Ni 40, A Rak Thupi Ngai

Ka u in ka facebook ah hitin ca I rak kuat “Ukte ka online man nawnlo ding, ni 40 sung Bible siar le thlacam in caan ka hmang ding” a ti. Nitin, Bible siar le thlacam a theih ko mi ziangah cutin ni 40 sung rori caan hmang dingah tumtahnak a nei si pei tiin ka khawruah ahar zet. 

Pathian Hnatuan ah Kan Bang Tuk Pang Maw?

Pathian thuthangţha sim ih caan hman ringring, thlarau hlo tampi kai rero le ministry hnaţuan rero hi Pathian lungawinak bik si dingah a zumtu kan tam zet thlang ding ka zum. Cuipawl cu Pathian ih, riahsiatnak cu a si hrimhrim lo. Asinan, cu hnakih a lungawinak sawn cu Pathian thawn nai aw te ih nitin biakawk thei ringring sawn hi a si.

Ph. D Degree Ngahnak Puai Ka Feh Ve

Lungawinak ni thleng dingah ziangtluk harsatnak an tong! Cuvek tong ngam dingah ziangtluk tumtahnak an rak nei cia! Zumnak timi cu hmuh theimi, thilri, moṭaw, inn le tlang pawl hnakin a tum deuh a si lo maw!  

Sia le Ṭha Rel Thiam Lo Casiartu

Ka rualpi ṭhenkhat pawl cu online ah casiar ringringtu an si ko nan “like” le “Comment” an pek lai ka hmuh hi cu phiangkum veikhat te lawng a si. “Hitluk ca nan siar ko ih ziangah “Like” le “comment” nan tuah dah lo?” ka ti. “A ṭul lem sawm” in ti.

A Fanu Pasal Neih Ih A Pai Thusim Mi

Neihawknak puai hmangtu mipi hmai ah a fanu neihsun kut kai phah in le a fanu ih pasal ding mopa hmai zoh phah in hitin a sim….

Ka Pa Cu

“Ka pa asinak taktak le amah ngaingai hi ka thei dah lo ding”- Eminem

Thlisia a hran ih nimthla a kau zohzoh ih khua a riit ahcun ka pai hnen ah ka tlan!

Veikhat cu ka damlo ih ka pa in “Damlo ka ning” in tiih ka dam cih. Veikhat lala cu ka pa nih, napin i thawi ih ka thihbum lawlaw, cule a thinhartuk ti ka thei ih nuam tete in ka nung sal. Veikhat thotho ah ka pa nih ka taw i thawi tum ti ka thei ih ka rak kham ngah, cule “Kham hlah, napin ka lo thawi ding” in ti ih ka kham sal lo. Veikhat lala cu ka tap ringring ih sangkate ihsin i thlak tum, cule ka tap duh nawnlo lemlo.

Kan Chin Mino “Social Media” Saltaang Kan Si Ve!

Kan phunsang tlawng ca in zirhtu cun “Facebook account neilo pawl ban phar hnik uh” in tiih kan zaten kan rak nei theh a rak si. Santiluan kan thlun lo ahcun mi banglo le sanmanlo men kan si ding fawn, kan ‘Social media’ ih in fehpi daan khal a harsa phahphah ko.

Chin Hlasak Thiam Thar A Suak Ngaingai Maw Si!

Ram leng um hrang ahcun ramsung ah ziangmi hla a laar tivek theih ahar ngaingai. Tulai hlasak thiam laar pawl tla cu theih a har sinsin. Cun, keimah hi hlasak thiam ka si lo ih bet ah awnmawi tha le sia khal thleidang theilo, keimah ih uarmi lawng ngainaa deuh pawl ka si bet.

Nitin Kan Ṭong A Thi Ve Maw?

Nitin miphun pakhat ih ṭong a thi an rak ti ṭheumi, tui baihte ah Journalist pawlin survey an tuah salih asilobikah ni 14 sungah ṭong pakhat cu a thi rori ko tiin an ti saal.

Kan theihcia bangin ṭong thi umzia cu kan ṭong hman ṭheumi kan hmang nawnlo, a ṭongtu ding kan um ko nan miphun dang ṭong kan hman tamsawn ruangah kan ṭong hmannmi amahte ziang tithei loin arak ziam-thi tinak sawn a si. 

Islam ihsin Christian Zumnak Ah

Kannih sung cu Islam biaknak ih mi hngetkhoh ngaingai kan si. Kan Islam biaknak hi kan duh ih ni khat vei-5 thlacam khal nuam ka ti. Zing thlapit ah tho in thlacamnak ka nei ringring. Kan pupa san ihsin Islam kan sinak ruangah mi ih upat le ṭihzah ngaingai mi kan si. 

A tawizawng cun, Islam neitu vek tlukin kan biaknak ih pumpe awtu sungkua kan si. Kan minopawl hnenah khalah Islam biaknak zirhtu ka si.

Melbourne ih Falam Kawhhran Pali Kom Khawmnak ah Ka Khawm Ngah Ve

Tuisun ah Melbourne, Australia ih Falam kawhhran pali pawl hmun khat te ah Pathian thangthat khawmnak kan nei. Kan hmaisabiknak tla a si ih kan hlim zet. Gospel feh le khawmpi zawh tivek ahcun zumtupawl Pathian lamih kan zuamzia langternak vekin kan fehpi theu nan tuisun ih kawhhran pali tongaw khawm cu cuveklam hawi kan si lo. Hmun khatih pungkhawm caak zet pungkhawm aw rori in ka hmu.

Australia ih Falam Kumthar Puai siarlo tuisun vekih Falam mipi pungkhawm ka hmu hrih lo ih lungawinak in ka khat. Hmun khat te ah Falam tlangtluan minung

Melbourne Nikhua

Melbourne  thuhla an rel tambikmi cu a boruak le a nikhua hi a si. Zingpit ah nikhua a ṭha zetih, suun padir ah ruah a suur vukvi ṭheu. Cun, zanlamah nisa emem in a um lala. Nikhat sungah  thlataang, ṭhaal le fuur a thleng ṭheu. Curuangah Melbourne ih um hi nuam titu le nuamlo titu kan tam zet. Kei cun, hlum tuk, dai tuk “tuk” tivek ka tuar theilo ruangah boruak thlengawk rero mi hi nuam ka ti zet.

Melbourne Tlangleng Atotu Keimah

Melbourne ahcun khawsung feh ding, hnatuan ding, tlawngkaipawl le poihai ih fehsuksonak ah oltlawngte’n tlangleng kan to thei. Bus, taxi le bulpak mawtaw thawn fehsukso khal kan tampi thotho. Tlangleng to ih toihvah hrimhrim nuam titu tla kan tam zet. Khaw cuan phah khal a remcang thei zet.

Zingpit hnatuan fehzawng, tlawng fehzawng ahcun tonak cuh aw siloin, ke ret nak ding te cuhaw ah kan tlio thi-that zik theu. Cuvek thotho in, zanlam hnatuan tlun caan le tlawngtum caan ahcun kan phuul nohnoh, tlangleng ih lut ngah lo cu thah ding tivek rorin tlangleng sungah kan ben aw ciamco theu.