Kawhhran thansohnak

Piangthar lo le hruaitu ding siloih kawhhran kan hruaiawk ruangah kawhhran sungah kehkuainak le ttheksedarhnak a thleng.
Hunruattu/caan petu cun mithmai zohin caan a pe theu. Hlasak talent dawnglo, thusimthiam lo pawlin thu an sim tikah member pawl khawm tiang an paihlo thluh, Thusimtu a thiam lo tiih inn ih um an hrilsawn.
Sermon thupi a tuah in kan tuah theu. Pathian ih in pekmi manna, kan nun ih a tawnmi kan sim lo ruangah hmuar a nei dah fawn lo.
Pathian thuthangtha simtupawl kan thlacam a mal tuk lai. Sermon pakhat ah thla veiziat kan cam? Kan thlacam a mal tuk ruangah thuthangtha in hmuar a nei thei lo.
Thuthangtha simtu in kan thusim mi nunpiloin pulpit kan suahsan hnu ah kan thusimmi kan hngilh verver. Mipi hrang lawngah kan sim theu. A hnu zarkhat ah ‘tulai cu ka thlarau a cau’ kan ti sal.
Member zumtu pawl lala in thuthuthangtha sim pawl relsiat kan hmang. Relsiatawknak a tam tikah innsang ihsin kawhhrang sungah nget nasazet a rak lut thup ih kawhhran pawlkomnak a nuam thei lo.
Thuthangtha phuangpawl kan thinlung  athiang lo tuk theu. Leitlun thilah kan buai ih kan thinlung a neh tuk hrih lai.

Parte le Keimah Zan

Parte cun ka kut i kai fengfengih fiang tuk fahran in i zoh.
Ziangah khatin i zoh?…. “Ka lo zoh khawp theilo”in ti.
Kan t’awng thaw laifangah napin i pom dukdi.
Ka t’awng lo le “t’awngaw” in ti…Ka t’awng asile, “Tawng hlah” in ti.
“Daiten i pawm men aw” i ti lala. Kan tlun thlapa a eng mawi ko.

Kan pahnih te’n thulolam tete kan ruah aw.
A kiang ka um ahcun dai lo in ka um thei velo.
“Na kiangah um ringring ka duh” in tive t’heu.
Tui zan cu Parte in ‘Reipi ka lo pawm duh’in ti.
“Zan dangah in hnam hmai t’heu’ tuizan cu keimah caan” in ti.

Parte cun “Reipin i hnam aw” in ti.
Thiam le thiamlo in ka hnam. I pawm ih i thlah siang nawnlo.
Minit 10 hrawng kam khat te khal kan be aw lo.
Hnget sinsin in i pom. I duhtuknak a thin phuu dekdo tla ka thei.
A sam rim le a perfume rim hmuite cun Parte a tuam.

“Ziangtikah kan um tlang ding?”
Kam khat hman ka sawn lo…..
A mit cu a siing ringring lai.
Napin ka pawm ve….a rim a hmui ko.
Ka t’aang ah a bet.