Friday, January 25, 2013

KA IPHONE 5 LE PATHIAN

Ka iPhone 5 le Pathian IPhone 5 ka lei tir ahcun ahman dan ka thiamta ding ti’n ka thamkual ciamco. A ṭhatzia ka theih sinsin tikah, zawngih theidum kil tibangin, ka tham leuhleuh. Internet-phone, iPhone asivekin internet a connect ṭha ih a cakzet fawn. Samsung galaxy hnakin a let rorin ka duh sawn. Ahleice in, facebook hi loading ṭul riai loin tizualzo in a ong thei tikah minit 5 dan hrawngah ka iPhone ka bih rero a si bik mai. Lamzin feh phah khalin ka bih ih, tluk phah zik caan khal a tam. Zingpit ka mit meng thei ceu cun ka lukham hnuaita iPhone ka zuuk zuarzo. Thupi fahran um ding bang cun facebook ka zoh hmaisabik ṭheu. Ka canganmi zopawlin an like, zo pawlin an comment ti theih duh ah caan hman ten ka bih. A battery full ko ka thun hnu ah tla hi cun, ka leitlun no khat a kim ṭheu. Ka fehnak kip ah ka keng. Ka daileng caan le rawl ei nak hmun tiang a thleng ve ko. Zaphak hman tiat lo phone sungah leitlun pi hrekkhat ka keng vek khin ka ruat. Zing khat cu keimah lo vekin, ka iPhone ka ken hngilh. Sunvu ka um nuamlo. Kimlo vekin ka ruat aw. Ka iPhone le ka taksa thinlung an pehawk thluh zo vekin ka ruat. Cutin, nikhat te asinan ka iPhone 5 ngai in ka uai hnianghni. Ka iPhone 5 ih thiltitheizia le i bawmzia ka thei. Iphone 5 na nei ve ahcun na thei ve hrimhrim ding! A dik ko lo maw? Ka iPhone 5 zaphak hman tiat lo mi sung ahhin cabu ṭhaṭha, thuthang phunkim, video a dangdang, zuk a phunphun le ka rualpi zate biak pehtlang theinak a um. Cuihleiah, ka theihlo mi thu hawl theinak engine khal a um thotho fawn. Phundang zawngin kan sim asile, ka iphone te thawn leitlun hmun kip ka fangkual ṭheu. Ka IPhone 5 cun ka umhar i pheen, phone mawibik pakhat asivekin, mah le mah rinsanawknak le hmaihngalnak tiang i pek bet. Na fala maw na duh, na iphon 5 tiah in suh sehla, reipi ka ruah hnu ah a pahnih in ka duh ka ti ko ding. Hivek thil sunglawi cu leitlun thar tiang sawmso vivo tlak a si in ka thei. Ka duh luarkai tuk le i ngaithiam aw. Ka sumpai khawlmi rori thawn ka lei mi te a si fawnih ka hrang a hlutzia simfiang a har a si. Asinan, asinan… Ka theihlo sungah ka iPhone 5 kut hnuai ah ka rak um ti ka thei lo. Ka theihlo sungah ṭuullo pi’n ka caan tampi phone bihnak ah ka rak hmang liam ti ka thei. Reipi hnu lawngah ka caan amahte ka liam ter reri ti ka fiang lai. Nitin, ka phone thawn kan thluahawk vekin Pathian thu thawn thluahaw thei ningla mihualvanṭha ka va si ding ve! Ka iPhone 5 ka duh le ka fehnak hmun kip ih ka ken bangin Pathian thu Bible ngainaa sehla, mithlawsuah ka va si ding ve! Pathian hnakin ka Iphone 5 ka duh sawn pang maw tiih ka khaikhin tikah kei ka daithlang Bawipa. Ka iphone 5 ka tok zat in Bible siar bang sehla, veithum cu ka siar suak bet sal ko ding. Iphone 5 le Pathian tla khaikhin awk ding mawi a rak si lo.
IPhone 5 ka lei tir ahcun ahman dan ka thiamta ding ti’n ka thamkual ciamco. A ṭhatzia ka theih sinsin tikah, zawngih theidum kil tibangin, ka tham leuhleuh. Internet-phone, iPhone asivekin internet a connect ṭha ih a cakzet fawn. Samsung galaxy hnakin a let rorin ka duh sawn. Ahleice in, facebook hi loading ṭul riai loin tizualzo in a ong thei tikah minit 5 dan hrawngah ka iPhone ka bih rero a si bik mai. Lamzin feh phah khalin ka bih ih, tluk phah zik caan khal a tam.
Siar betnak....................
at No comments:

Vote

Hre Mang
Top 10 thinkers!

U le nau pawl,

Falam milesa lakah ram le miphun thu (social, politics, religion, economic, etc.) ah thurawntlak( locally & locally) khuaruat thiam, mifim, tiah na ruahmi mi pahra, hmin nan rak ngan thei cio pei maw?

Upa khuaruah tlangnak ah tel ding tlak na timi, mi pa 10 hmin rak ngan hram aw. Ramsung, ramleng, huap in.

Lungawi

Hre Mang
Siar betnak....................
at No comments:

Salai

Hre Mang

‎"TOP 10 SALAI"

Fala pawl (nu tla tel thei ko), na theih/hmuh ban cinah 'TOP 10 SALAI" na timi, lai tlangval tha, na timi pa 10 rak hril hnik aw. Pasal/tlangval nei zo khalin thik theih lo kan ti pei, zohthimtlak, zohmawi, fimnak thiamnak, nuncan zaiza, tairial, zuamnak, mi pitling, tvp, nanmah le duhdan cio ih lai tlangval lakah "TOP 10" rak suahpi ve hnik aw. Cule tlangval pawl in zovek ziangvek pawl hi fala pawl duhzawng uar zawng, ngaisan tlak asi ti an zir ve ding.
Siar betnak....................
at No comments:
Subscribe to: Posts (Atom)

Thuthangtha Dang A Um Lo | Uk Lian

Minung ih a theihzomi thuthang ṭ ha hmuahhmuah lakih ropi le nasabik thuthang ṭ ha cu Jesuh Khrih in, kumkhua thihnak ihsin kumkhua nunnakah...

  • Ruahsannak Nung Sermon - Uk Lian
    Ruahsannak Nung Sermon, a hnuai YouTube video ah zoh a theih. Click in a hnuai ah zoh aw.   The Living Hope Ruahsannak Ngaingai Na Nei Maw? ...
  • Pathian Ih In Semsuahnak San 3
      1. Amah Sunloih Dingah   Ziangkim acang dingmi theicia cingin, Pathian hrangah kannih cu, a hngahhlap bikmi kan rak si. Pathian ih fa kan ...
  • Parte le Keimah Zan
    Parte cun ka kut i kai fengfengih fiang tuk fahran in i zoh. Ziangah khatin i zoh?…. “Ka lo zoh khawp theilo”in ti. Kan t’awng thaw laifan...