Kan Bawipa Jesuh kha, a zirhmi a tlawngta pawl hmai, a tlawngta pawl ti men ding hman asilo, a dungthluntu, a tuah vekvek ih tuahtu ding pawl hmai ah, an thawi, ciil a phui ih an zokzet ciamco, cutluk ih ningzakza le mualphonak a tuar theitu cu kan zohmi Jesuh a si.
“Sayapa” ti’h a ko celceltu pawl hmai ah, thla a cam sak mi pawl hmai ah le, a thuzirhnak ih thazang ngahtu pawl hmai rori ah, biak ngam ding hman siloin, kawtthler ah cawcang thah ding mi vek in an khor so vivo, cutluk mualphonak hrin-minung lakah a um thei nawn ding maw si!
