Sia le Ṭha Rel Thiam Lo Casiartu

Ka rualpi ṭhenkhat pawl cu online ah casiar ringringtu an si ko nan “like” le “Comment” an pek lai ka hmuh hi cu phiangkum veikhat te lawng a si. “Hitluk ca nan siar ko ih ziangah “Like” le “comment” nan tuah dah lo?” ka ti. “A ṭul lem sawm” in ti.

Leitlun ih cangthiam kan timi pawl tla hi, ca an rak ngan thok ah ‘Na ngan thiam tuk’ timi ṭongkam te ruangah thazang ngah in tuini ah an cabu pawl kan siar sak rero mi ah an cang suak ti tla kan thei ko ding.  Ca kan ngan ahcun a siartu, a duhtu, a sawiseltu le lawmtu cu a um hrimhrim ding mi asi ti tla kan thei.

Casiar ringring fawn ih comment pe dah lo, like pe dah lo, midang hnen ah va sim sawng dah lo pawl cu leitlun ah an nung menmen siloin leitlun ah an um men fang sawn a si. Cangantu pawlin, an canganmi feedback ca siartu pawl hnen ihsin a sia le a ṭha tal cu theih an duh ve a si.

A hnuaiah cangantu pawlih an duh dingmi lomnak ṭongkam ka zummi malte ka tarlang….

• Na ngan tha tuk
• Na cangan cu a simple tuk nan umzia a nei tam
• Na cangan tinten siar lo in ka um dah lo
• Na cangan mi in ka nun I thleng
• Na canganmi ka hngilh thei lo mi cu
• Cangan na thiam
• Na cangan ah fimnak tampi a um
• Na cangan ka siar ihsin ka lo upat

Cangantu pawlih an duh lo dingmi……

• Lom hlanhlan ih sawisel cih
• Na cangan a sullam ka thei lo
• Na cangan a sau tuk
• Casiar ka paih lo

Kan ṭongkam khat ah midang thazang ngah ih miropi cang suak thei ding mi rori, sim suak lo ih kan um ruangah mi paziat si maw dungsip ih kan kir ter ding ti cu himi ca na siar hlan khalin na thei zo.

Kan upa le hruaitu vekih kan ruahmi pawlin mino thazang pe in mi lom le comment tawite vek tla pe in um hai sehla tu hnakin mino canganthiam an tam sinsin ding timi cu khua a thim ih a vang sal ṭheu vek rorin hmuh cia theih a si.