Leitlun Bawmtu

Ka Baibal tlawng kai lai cu thla khat veikhat inn ka tlung theu. Sumpai ka harsa deuh ruangah tlangleng ticket ka lak hman ah man olbikpawl sliper class ih Vai kutdawh le lothlopawl tonak room ah ka to theu.  Tuitum khal tlangleng ticket man olbikpawl ka la ih tonak co cuang loin ekinn kiang ah ka to. Tlangleng awn dupdo ngai phah in ziangtikah New Delhi kan umnak ka thleng ding ti ka ruat phah.  Acancan ah ka tonak zial a daih tuk ruangah blanket hlum sung ih, ih a nuamziapawl ka ruat. Kei hi ka daan a dang deuh ih tlangleng par le mawtaw par pawl ah hnangamten’ ka itthat thei dah lo. Mi’ inn ka riah tik khalah ka ihthat har. Mi inn ih dailen le rawl-ei khal ka nuam ti zawng a si lo.

B.Th degree kum thum sung ih zirsuk dingah Pathian hnenah ka dil ringring. Baibal tlawngkai hi thil lolamte a rak si hrimhrim lo. Nitin Pathian thu zirin Pathian thangthatnak hla kan sak ko nan thlarau thawn cun kan khat theh cuang lo nasa. Zapi thlacamnak kan neih bakah keimah te thlacamnak a falten ka nei ringring. Baibal tlawng hi ziang thawn ka tekhin tile, Jesuh ih farahsipawl thuthawn pehparaw ih a rak sim mi thlan cu a lenglam lawng a mawi ih a sung cu fihnungza lung thawn a khat ….a timi thawn ka tehkhin theu. Baibal tlawngkai tiah ngaisan le upat kan si theu nan kan tlawnginn sung ahcun nauhak zawtepuah kan bangcaan a tampi.

Thuthangtha Feb 16, 2010 Lei tlun cabu thabik timen hman silo, Pathian tongkam thawkkhum, 'ziangkim hloral hmansehla a hlo ral dahlo dingmi Pathian thu Bible' hi mino ka sinak vekin ka siar paih lo ve emem. Bible siar cu thil tha a si ti khal ka thei, ka thinlung takih ka siar theilo caan hmanah hlawknak malte cu ka nei ringring ti khal theiaw cingcun ka siar paihlo thotho. Asinan, tui kum khal zingtin Bible siar le thlacamnak nei ding cun tumtahnak ka nei. Ka tumtahnak rak thei thuptu pa cun nitin ka thinlung le ka taksa a sualaw ter ringring. Thuthangtha simtu pakhat in "mi cu an kum zat in Bible an siar suak, an siar tuk nakah an Bible a siat theh" timi thupawl a simi ka ngai ngah ngelcel.

Ka raibur deuh ruangah zungkai theiloin Youtube ih Hillsong pawl hlasak ka zoh. An lakih tel bang in ka um. Pathian thlarau thawn an khat. Thangthatnak hla tawite khal hlunghlai zetin an sak. Mino rual thangthatnak hla sakih tawnawkkhawm cu ziangtluk a nuam ding. An lakih tel ka hiar zet. Hillsong pawl hi Hills Christian Life Centre, Hillsong Church tikhalin an ko ih Brian le Bobbie Houston in 1983 lai ahkhan Australia Hills Christian Center ah mi 45 lai thawn an rak thok. Mipi in an duh tuk ih zarhtinten' an tuah ih mi 20,000 lengloin an kai theu.

To  Rihli Group Mail On 16 November 2010 Tulai leitlun thuthang lawkhawmtu pawlcun Suu Kyi an zohbik in a lang. Thuthang hmaisabik cahlap a luah tam thlang nasa. In hmeltheih cu kan silonan rampi zalennak ding sualtu pakhat a sinakah kan ngaihven ve nasa. Tulai ram sung NLD headquarter hmai hrawng ahcun Suu Kyi cu a mikhual lo nasa ding ka zum. Chinmi pawlin kan unau kan thisen zawmpi rori asi tiah kan rak ham ttengtteng. Ramsung lungawinak le riahsiatnak (change) thlentu pakhat cu a si  em ding.