Pai' Duhdawtnak Cakuat

Father’s love letter

Himi ca na siar ding mi hi thudik a si. Na thinlung sangka na on ahcun na nunnak tiang a lo thleng thei ding. Ziangah tile, Pathian thinlung ihsin a ra suakmi tongfang pawl an si ruangah a si. Annih cu na pa a si. Amah cu na nunnak ih na hawl rero mi na pa ding ngaingai cu a si.

Hihi na hnen ih cakuat cu a si….

Ka Fahniang te aw,

Nang cun in thei lo men ding nan, kei cun na ziangkim ka thei thluh. Na ih le na thawh caan khal ka thei thluh. Na lamzin zawhmi zateen, ka thei thluh (Saam 139:1-3). Na lu parih na sam phang pawl tla pakhat te hman hrelh lo in, ka thei thluh a si. (Matt 10:29-31).

Ziangruangah tile, nang cu keimah hmuihmel keng ding ih sersiammi na si. (Gen 1:27). Ka hnen ah na um ih na sinak famkim khal ka hnenah a um a si. (Acts 17:28). Ziangah tile, nang cu ka fahniang te na si. Nang cu na seem hlan ihsin ka lo thei fiang cia mi na si (Jeremiah 1:4-5).

Ziangkim ka sersiam lai caan khalah nang cu, ka lo hrilmi hrimhrim mi na si. (Eph 1:11-12). Arak um pang menmi na si hrimhrim lo, tui na um daan a zate in ka cabu sungah ngan khum in a um tluh cia a si (Psalm 139:15-16). Ziangtik ciah ah na piang suak dingih na nung ding timi khal ka ruat thluh cia mi na si (Acts 17:26). Nang cu tihzah zetin le danglam hleice zetih tuahmi na si (Psalm 139:14).

Na nui’ pum sungah thate in ka lo tahmi na si (Psalm 139:13). Cule, leitlun ah ka lo suah ter mi na si(Psalm 71:6.). In theithiam lotupawl hrang ahcun suaksual zet ka bang men ko ding (John 8:41-44). Asinan, ka thinheng lo, duhdawtnak langtertubik sawn ka si (1 Johnn 4:16). Na hnen ih ka duhdawtnak lo pek ding cu ka duhbikmi a si fawn. Cucu ziangruangah tile, nang cu ka fapa na siih kei cu na pa ka si (1 John 3:1).

Leitlun ih na pa hnakin na hrangah ka lo pe tam thei sawn (Matt 7:11). Ziangruangah tile, kei cu na hrang pa famkim ka si (Matt 5:48). Laksawng phunkim na donmipawl cu a zaaten ka kut ihsin a ra mi an si (James 1:17). Ziangahtile, kei cu a lo cawmtu ka siih, na tulmi zaten ka lo pe. (Matt 6:31-33). Na hmailam caan hrang tumtahmi ka lo neih sak mi cu ruahsannak thawn a khat (Jer 29:11). Ziangahtile, kumkhua duhdawtnak thawn ka lo duh ruangah a si (Jeremaih 31:3).

Tikap ih vunel siar a theih lo bangin ka lo ruahnak le seherhnak cu siar a theih dah lo ding (Psalm 139:17-19). Hla fing sak phah in nangmah ka lo zoh ih ka hlim emem a si (Zephaniah 3:17). Ziangtik hmanah, na parah thil tha tuah ka cawl dah lo ding (Jer 32:40). Ziangahtile, nang cu ka ro sunglawi na si (exodus 19:5). Nang cu ka duhnak zaten, ka thinlung le thlarau tiangin lo tuah that ka duh ruangah a si (Jer 32:41). Cule, thil maksak le ropi a phunphun lo hmuh ka duh (Jer 33:3). Na thinlung zaten, i hawl ahcun in hmu hrimhrim ding a si (Deut 4:29). Ka hnen ah diriam zetin um awla na thinlungih duhnak zaten ka kim ter thluh ding (Psalm 37:4). Ziangahtile, keimah in duh theinak lungthin tla ka pe (Phi 2:13). Na zum le na ruahbannak hnakin thil ka ti thei (Eph3:20). Ziangah tile, kei cu na hrang thazang lo petubik ka si (2 Thess 2:16-17).

Na riahsiat le buai caan ih lo hnemtu na pa ka si (2 Cor 1-3-4). Na thin a kuai caan ah na kiang naibik ah ka um (Psalms 34:18). Tuu khaaltu in a tuu, a pom bangin kei khalin ka lung thin kiangte ah ka lo pom ve asi (Isaiah 40:11). Ni khat nini ahcun na mithli zaten ka lo hnul fai sak thluh lai ding (Rev 21:3-4). Cule, leitlun ih harsa buainak na tuarmi zaten, ka lo lak kian sak thluh ding (Rev 21:3-4).

Kei cu na pa ka si, Jesuh ka fapa ka duh vek rorin ka lo duh (John 17:23). Ka lo duhdawt daan zia cu ka fapa Jesuh ah ka lang ter zo (John 17:26). Annih cu keimah ka mizia le sinak aiawhtu a si (Hebrew 1:3). Annih cu nangmah lo dokalh loin na hrangah ti langtertu a si (Romans 8:31). Cule, na sualpalhnak hi ka siar lo (2 Cor 5:18-19). Nangmah le keimah kan rualremsalnak dingah Jesuh a thi zo ( 2 Cor 5:18-19).

A thihnak cu ka duhdawtzia langternak thuukbik a si (1 John 4:10). Ka duhmi zaten taan in nangmah ih in duh ve theinak dingah ka tuah (Romans 8:31-32). Jesuh ka pekmi laksawng na co ngah asile keimah I co ngah (1 John 2:23). Cule, zianghman in ka lo duhdawtnak in then thei lo ding (Romans 8:38-39). Kan ruun innpi ah ra tlung awla, vancung ih puai ropibik ka lo tuah sak ding (Luke 15:7). Na pa ka si ringring ih ka si vivo lai ding (Eph 3:14-15). Ka thusuhnak cu ka fahning na si kem? (John 1:12-13). Ka lo hngak ringring (Luke 15:11-32).

Duhdawtnak thawn na pa,

Cungnungbik Pathian