Pathian ih Duhmi Duh ih A Huat Mi Hua

Cuvek thotho in sualnak cu ziang asi ti kan thei. (Zechariah 8:17) sungah porhawknak tongkam, thuphan sim hmang pawl le midang hnakih famkim deuh ih a ruat aw tu pawl, sual a si thu kan hmu thei.

‘Pathian ih duhmi cu kan duh ding ih, a huatmi cu kan hua ve ding a si’ tiah thuthangtha simtu pawlin an sim theumi kan thei cio ko ding ka zum.

Pathian ih duhmi cu kan duh thiam zet nan a huatmi cu kan hua thiam lo theu. (Thusimtu 3:8) sungah ‘Huat caan le duh caan cu a um ding a si’ ati bangin, huat caan le duh caan kan neih thiam a tuul.

Pangpar mawite kan duh nan a kiang ih hram le hlingpawl khi zohman in kan duh dahlo vekin, Pathian ih thiltha a timi duh thiam ding kan siih, a huatmi khal hua thiam ding kan si.

Pathian ih a duhmi cu thiltha tuah a si. Thil tha cu kan thei theh ko. Thil tha hmuahmuah cu kan ngan cawk lo ding. Mibawm a tha, midang duhdawt thiam a tha. Nun daan thianghlim a tha, nangmah te a tha pawl ngan in ruat bet vivo awla tampi a um lai ding.

Pathian ih duhmi duh, a huatmi huatu kan si ahcun, thudik le thuhman kan aupi ngam ding a si. Thimnak ah, minung taksa zuaraw pawl tla a tha lo. Sum lakluhnak diklo pawl tla sual a si ti kan thei. Cuvek pawl rem le nun sim ngam ding khal kan tuanvo a si.

Note- Love What God Loves, Hate What God Hates timi Jentezen Franklin simmi atawi zawng le remcang daan ih ngan remmi a si.