Wednesday, February 26, 2025

Thuthangtha Dang A Um Lo | Uk Lian


Minung ih a theihzomi thuthangha hmuahhmuah lakih ropi le nasabik thuthangha cu Jesuh Khrih in, kumkhua thihnak ihsin kumkhua nunnakah in runsuak zo timi thuthangha hi asi. Pathian ih in zangfahnak rori ruangah Jesuh Khrih cu kumkhua kan nun theinak dingah kan aiawh ah a thi. Kan tuahveknak le, kan tawlrelbomnak tel riai loin a zangfahnak liolio ruangah rundammi kan si timi hi, thuthangha ngaingai cu asi (Eph. 2:8-9).

 

Pathian ih in rundamnak hi lei pian hlan ihsin, Pathian ih arak timtuahciami asi. In rundamnak hi a pekih in pekmi runsuahnak laksawng sunglawibik asi. Curuangah Paul in, Galatipawl ca a kuat tikah “Thuthangha Dang A Um Lo” tiah a sim hai. Kan hrangah zangfahnak thuthangha siarlo thuthangha dang a um thei ding maw si! (Gala.1:6-10). Zovek khalin, vancungmi khalin thuthangha dang an phuang pang asile camsiat an si ding timi (Gala. 1:8) ah kan hmu thei asi. 

 

Nitin, Pathian kan zumnak ihsin tlansuak ih pial-hlo dingah a phunphun in Setan pa cun in zawl ringring. Paul in Galatipawl ca a kuatnak san khal, rundamnak thuthangha zum dingah Judah daan nan thlun a tul tivekin Pathian thuthangha dang an phuan ruangih a kuatmi asi. Cuvekin, Pathian thuthangha hnakih thupisawn ih ruah dingmi thil, leitlun ah nitin hmuh ding a um. Asinan, Pathian zangfahnak thuthangha hnongin thuthangha dang; minung ih Pathian biak tlon lungawi tumnak le Pathian zangfahnak thuthangha hnakih uarmi dang kan neih ahcun camsiat kan si ve ding asi.

 

Kannih zumtu hrang ahcun kan thuthanghat cu misual rori Jesuh thihnak ruangah midingfel kan sinak hi asi (2 Cor. 5:21). Pathian hmaiah mithi asi zo hnu, in nung tersal hi Pathian ih zangfahnak sangbik asi (Rom 5:23). Pathian in, in rundamsalnak hi Jesuh Khrih hmangin thinglamtah parah “Ka heh zo” tiin in tuahfelsak zomi asi (John 19:28-30). Kannih Pathian nung zumtupawl cu Pathian ih tuahzomi zumtupawl kan si vekin, a tuah lai dingmi zumtu le rinsantu khal kan si. 

 

Jesuh Khrih rundamnak thuthangha zum cu kumkhua nunnak asi (John 3:16). Jesuh zum hi kan vankai theinak tawhfung cu asi (Acts 16:31). Pathian ih in rundamnak hi, zum duh loin dung kan tolhsal le kan kirsal asile, Pathian ih laksawng Jesuh pom duhlotu kan si tinak asi. Jesuh zumnak ihsin kan kirsal pang asile, Pathian ih a tuahzomi zumlotu ah kan cang tinak khal asi.

 

Hi leitlun ah khualtlawng ih um kan si. Kan khualtlawnnak ahcun kan caam rei lo ding. Zumtu khualtlawng kan sinak san cu, kan kumkhua inn pan ih feh rero kan si ruangah asi. Kan van-inn lam pan ih feh kan sivekin, kan Bawipa Jesuh Khrih arat salnak ding thu in hnemaw ding kan siih, kan ruahsanbik dinngmi khal ni netabik ni asi. Kan riahsiat le thinhar caan khalah Pathian ih in rundamnak thuthangtha hi kan ruah camcin dingmi asi.  

 

 

Kan pabik Abraham cun Pathian thu hi a rinsan ih a zum khal a zum ngam. Cui’h, a zumnak ruangah Pathian in midingfel ah a cohlang asi (Gen. 15:6). Kan zummi rundamnak thuthangha hi, zangfahnak thuthangha asi. Kannih cu, zangfahmi, ngaidammi kan si. Ngaidamnak cu Jesuh ruangah kan ngah. Pathian hrangih kan tuahnak ruangah le, kan pumpekawknak ruangah siloin, Jesuh Khrih in tlennak thuthangha kan zumnak ruangah van kai dingmi kan si. 

 

Kan lungawinak ding bik cu, Pathian ih in tlennak thuthangha kan cohlan ruangah kan hmin cu nunnak cabu sungah ngan asi. Himi ruangah lungawi camcin ding kan si (Luk 10:20). Ngaidamnak thuthuthangha ruangah, kannih cu Pathian fa kan siih, kan pabik cu in rundamtu Pathian kan Bawipa Jesuh asi.

No comments:

Post a Comment

Thuthangtha Dang A Um Lo | Uk Lian

Minung ih a theihzomi thuthang ṭ ha hmuahhmuah lakih ropi le nasabik thuthang ṭ ha cu Jesuh Khrih in, kumkhua thihnak ihsin kumkhua nunnakah...