“In duhdawt Ngaingai Maw”?


Peter hi hnaset le rualbaan lo asilo nan Jesuh in veithum rori “I duhdawt maw” tiah a zonzon in a sut.  Ziangruangah veithum kherkher a sut tiah ruah tlak asi. Peter in Jesuh veithum ciahciah a rak phatsan dah ruangah veithum kherkher a suhsalnak a si thei. 

Ahrimhrim in number pathum hi umzia a nei. Thimnakah, Jonah kha ngapi sungah nithum le zaan thum sung arak um. Cun, Paul khal nithum sung amit a rak caw dah, cuvek thotho in Peter khalin Jesuh cu zan khat thilthu ah veithum rori a rak phatsan.  

Jesuh in Peter a rak duhdawtnak cu duhdawtnak sangbik a si. Cucu “Agape” duhdawtnak kan timi, vanlam duhdawtnak a si. Asinan, Peter cun Jesuh cu rualpi menmen vekih duhdawtnak, nun liamnak tel lo “phileo” duhdawtnak thawn a rak duhdawt. Jesuh ih Peter duhdawtnak sangbik thawn a duhdawt lai ah Peter cun Jesuh cu a menmen in a rak duhdawt. Curuangah asi, Peter in a nun tiang liam ding cu a rak ngam lo ih veithum arak phatsan.


Jesuh in Peter veithum rori a zonzon in I duhdawt maw tiih a suh tik ah Peter cu a riahsia ngaingai, sihmansehla Jesuh cun veithum arak phatsan ruangah thinheng in a sut hrim mi a si lo. Peter ih mit a zoh tikah thlengawk duh tuk mi mithmai a hmu sawn.


A si, duhdawtnak ngaingai cu nun peknak hi a si. John 13 le John 15 ah duhdawtnak ngaingai cu nunnak pek tiah fiangten kan hmu. Jesuh in Peter cu a tuu rual pawl cawmtu dingah a duh vekin Peter cun a tuah ngaingai. “I thlun aw” a timi khal a cohlang ih a thlun tikah Peter cu dungthluntu lakih miropibik ah a suak. Jews le Gentile pawl hnenah thuthangtha a sim ih Jessuh in vanram toh tiang kiltu dingah a rinsanmi ah a suak.

Comments

Popular posts from this blog

Ziangtin Kan Thlarau Nun Kan Cak Ter Sinsin Thei Ding

Nitin Pathian Thawn Lamleng Tlang Nun

Midum le Mirang Lamlengtlang

Ka Pa Cu

Love Locks

Lai Mino Lam A Pial Tum Ka Hmu, Lungphang Le Riahsia In Ka Khat