CT Chief Editor Vahvaihnak New Delhi Ihsin Melbourne Ah

New Delhi|19 January
Chinland Today Chief Editor Salai Uk Lian cun Australia, Melbourne ah vai dingin a vahvaihnak New Delhi cu 16th January, 2013 ah a suahsan ih Chin mi 3000 lenglo umnak Melbourne ah 17thJanuary ah tluangten a thleng. CT Administrator leh tuanpi sungkha unau pawl khal in lungawi zetin an rak hmuak.
‘Vahvaihnak Vai ram (….Vavaihnak tin ka ti dan kelten aw!) suahsan ding ngaingai cu taktak te cun thinlungin a rem thei nawnlo. Kum 13 sung ka can hmuahhmuah cem ih miphun hrang ka theitawk ka rak tuannak hmun suahsan ding cu ka seherh zet, ram thangsonak hmun ihsin tamsawn tuanthei kan zuam sinsin ding, thinlung ah Vahvaihnak ram ih tuanpi pawl leh miphun pi pawl nan cam ringring ding’ tiin a thlahtu sungkhat laina pawl leh a tuanpi pawl hnenah a seherhnak thukhal a sim.


CT ih zofeltu lu bik lawng silo in New Delhi ih calai dangdang humhualnak khalah nasa zetih tuantu a si. Delhi ih calai leh thuthang, Lailun Thuthang, Voice of Exodus, Kuakuai Aanka pawl khalah zohfeltu a siih nun phung leh calai humhualnakah nasa zetin hmalaknak a nei.

Australia, Melbourne ih CT palai pawl khalin an rak hmuakih tonkhawmnak khal an nei cih. CT hmailam ih hmalak danding pawl leh rua hmannak dangdang khal tamsin nei dingin an tonkhawmnakah cun an rel khawm. CT adminstator Van Bawi Lian khalcun vahvaihnak suahsan ih Melbourne a ra thlen thei cu a rak lawm zet ih CT palai pawl tonkhawmnak khalah hmuahnak leh lawmnak ‘CT zohfeltu lubik Melbourne a ra thleng theiih kan hmalaknak khal tampi kan that hnem phah ding, Australia in kan lo hmuak’ tiin lawmnak thu a ram sim.
Salai Uk Lian hin kum 1998 ihsin Kawlram harsatnak ruangah beunak hawlin India ram a thlengih Bachelor of Theology  leh Bachelor of Art (Political Science) zirin kum 13 sung India ram khawpi Kota leh New Delhi pawl ah a can a hmang. 2008 ihsin CT Chief Editor ah kaihsan a siih tu ni tiang Chinland Today website ah zohfeltu lubik a si hrih.

  1. Salai Zilthli on January 19th, 2012 4:39 pm
    Dear Chief Editor,
    Na thlennak ah CT le Chin-mipi hrangah pumpeaw theitu si vivo hram aw.
  2. Thangte on January 19th, 2012 7:36 pm
    AW…CT cak sinsin sehlaw. Zo ih hlawhpek lo ahcun CT Team pawl ih nan hnatuannak cu kan miphun hrangah ROLUNG thatuk nan phun a si.
    Nan tuannak ah Pathian in lam lo hruai vivo seh.
    CT a nun khua sau hramseh.
  3. zodaizilthli on January 20th, 2012 12:49 am
    Pathian in kan ram le miphun hrangah dam saunak lo pein, lo khaisang vivo hramseh.
  4. Salai Huiha on January 20th, 2012 2:43 am
    Ukte,
    Bawipa in damnak le damsaunak lo pe hram seh!!!
    Kan ram le miphun kaihruaitu ah khal lo hmang vivo hram seh!!!
  5. Zilthli Lal Nei Thluai on January 20th, 2012 5:00 am
    CT chief editor Uk te le CT admin Bawite hmunkhat te ah an vun umtlang ding cu CT cu tuhnak in a ke kar a cak sinsin dg ti cu simcia theih tluk a si. Nan zuam cia zonak parah ka lo upat tuk. Bawipa’n lo hmang sinsin hramseh Ram le Miphun hrangah
  6. Salai Snow on January 20th, 2012 3:40 pm
    Dear Ukte,
    Autralia ah na thleng ko nan khaw fate tluk ih an relzomi leilung pi sungih kan neihmi CT cu na computer ah a um ko.
  7. S.Tan on January 20th, 2012 3:44 pm
    Uk te cu lungawi um ee kei tla ka zuk ka hmu aw ve.
    Pathian in lo hruai vivo hram seh law lungawi tuk lawlaw.
  8. Uk Lian on January 31st, 2012 12:14 pm
    Ka thuhla hmun hnih ah kan rak ngan si maw…!
    Ram dangdang ih kan rak ngan ruangah a si ding.
    In comment ih duhsaknak in hlantupawl zate hnenah lungawinak simcawk ka nei.

Comments

Post a Comment

Popular posts from this blog

Ziangtin Kan Thlarau Nun Kan Cak Ter Sinsin Thei Ding

Image
Jesuh Khrih dungthluntu kan sivekin, thlarau lam ih kan cak sinsin thei nak dingah a hnuai ih thil pathum hi kan ṭulzetmi a si. PATHIAN THAWN NITIN CAAN HMAN Pathian thawn biakawknak caan, Pathian thawn komawknak caan tuah aṭul. Thlacam le Bible siarnak thawn Pathian thusuhnak caan ti khalin kan ti thei. Nitin, Pathian thawn biakawknak caan kan neih lo asile, olte in kan thlarau a cau thei. (Ephesian 6:10) ah Pathian thawn pehzom aw uhla, nan thazang cak ter sinsin uh ti’n a um.
Siar betnak....................

Nitin Pathian Thawn Lamleng Tlang Nun

Image
Bible Cathianghlim sungah Pathian thawn lamleng tlang theitu minung malte lawng kan hmu thei, cuipawl cu Enoch, Noah, Abraham le Zacharias pawl tla an si. Enoch hi an lak ahcun langsarbik a si. Annnih hi Pathian thawn lam an leeng tlang thei. Tong dang cun, Pathian thawn an titi thei. Kum 365 lenglo sung Pathian thawn an feh tlang ti rori in Cathianghlim sungah ngan khum in a um a si (Sem 5:21-24). Pathian thawn lamleng tlang thei ding cun Pathian thawn thinlung le hmuntinmi bangawk tla arak tul. Minung lak khalah thu-nuam relpi ding, rualpi kan hawl ih titi nuam hi zocio khalin kan duhmi cu a si. Cuvekin, Enoch le Pathian khal kum 365 sung an rak pehzom aw thei. Pathian in minung hmaisabik Adam a sersiam thluh khalah Eden hmuan sung ah tlai ni neem tinten an lam an leng tlang timi kan hmu thei (Sem 3:8).
Siar betnak....................

“In duhdawt Ngaingai Maw”?

Image
Peter hi hnaset le rualbaan lo asilo nan Jesuh in veithum rori “I duhdawt maw” tiah a zonzon in a sut.   Ziangruangah veithum kherkher a sut tiah ruah tlak asi. Peter in Jesuh veithum ciahciah a rak phatsan dah ruangah veithum kherkher a suhsalnak a si thei.  Ahrimhrim in number pathum hi umzia a nei. Thimnakah, Jonah kha ngapi sungah nithum le zaan thum sung arak um. Cun, Paul khal nithum sung amit a rak caw dah, cuvek thotho in Peter khalin Jesuh cu zan khat thilthu ah veithum rori a rak phatsan.   Jesuh in Peter a rak duhdawtnak cu duhdawtnak sangbik a si. Cucu “Agape” duhdawtnak kan timi, vanlam duhdawtnak a si. Asinan, Peter cun Jesuh cu rualpi menmen vekih duhdawtnak, nun liamnak tel lo “phileo” duhdawtnak thawn a rak duhdawt. Jesuh ih Peter duhdawtnak sangbik thawn a duhdawt lai ah Peter cun Jesuh cu a menmen in a rak duhdawt. Curuangah asi, Peter in a nun tiang liam ding cu a rak ngam lo ih veithum arak phatsan.
Siar betnak....................

Midum le Mirang Lamlengtlang

Image
Australia, Melbourne ih ka fehsuksonak ah Mirang le Midum suakthuan rual lam lengtlang ka hmuh tikah minit pakhat hrawng ka dingih ka zoh thlun ta hai ṭheu. Midum le Mirang duhdawt aw zet in thunuam rel in an pom aw, an capoh aw, kut an kai aw, an nuam tlang pawl ka hmuh tikah, leitlun remdaihnak hrang tuanvoneitu bik bangin ka rak lungawi thei emem a si.
Siar betnak....................

Ka Pa Cu

Image
“Ka pa asinak taktak le amah ngaingai hi ka thei dah lo ding” - Eminem Thlisia a hran ih nimthla a kau zohzoh ih khua a riit ahcun ka pai hnen ah ka tlan! Veikhat cu ka damlo ih ka pa in “Damlo ka ning” in tiih ka dam cih. Veikhat lala cu ka pa nih, napin i thawi ih ka thihbum lawlaw, cule a thinhartuk ti ka thei ih nuam tete in ka nung sal. Veikhat thotho ah ka pa nih ka taw i thawi tum ti ka thei ih ka rak kham ngah, cule “Kham hlah, napin ka lo thawi ding” in ti ih ka kham sal lo. Veikhat lala cu ka tap ringring ih sangkate ihsin i thlak tum, cule ka tap duh nawnlo lemlo.
Siar betnak....................

Love Locks

Image
“Love Locks” timi duhdawtnak tawhkalh hi a uartu a tam sinsin. Mi a thawngtel in an duhdawtnak langternak ah tiin lilawn le khawluhnak tivek ah mikip hmuh ding ah an fala le tlangval hmin ngan tahrat in an tarlang theu. Himi Love Locks timi (duhdawtnak tawhhren) ih a khihhmuh duhmi pawl thenkhat tla cu kan duhawtnak kumkhua in ti langtenak le dodaltu pawl lak khalah kan thenaw lo ding timi langternak khalah a si.
Siar betnak....................

Lai Mino Lam A Pial Tum Ka Hmu, Lungphang Le Riahsia In Ka Khat

Image
Kan dung zarh ziat hman ti lo ahkhan online parah cangan danglam zet pakhat ka hmu ih ka riahsia ngaingai. Ka siar vete’n ka thin a kuai zet. Lai mino pakhat ih canganmi a si. Catlang tawi zetih nganmi ca a si. A canganmi cu Pathian nung a um ngaingai le um ngaingai lo a rinhlelnak thuhla a si. Midang ih fuihnak ih a nganmi a silo zia, ka siar veten ka thei cih thei ko. Amah vek kan Lai mino lakah ziangzat kan um hrih ding timi ka thinlung ah a um. A zumnak le a khawruahnak a ngan lang ngamnak parah ka hlut zet fawn. Kan Lai mino pakhat, Pathian nung biaknak ihsin a pitling ngahmi, tuini tiang Pathian nung a be rero lai mi in Pathian a um ngaingai ding a zumlo lemlo thu le a thinharnak a nganmi hin ka thin i zun nasa. Ziangruangah cuvekin a ringhlel ti asile, a zummi a Pathian nung a rak thei ngaingai lo a si thei. Pathian nung ih duhdawtnak, a thatnak le a umpinak hi a rak co ngaingai lo tla a si thei. Cun, a thinhar tuk nak ruangah Pathian umpinak a ruahsan thei nawnlo tla a
Siar betnak....................