Ka Zan Khat le Kum Khat Zan…………………..

Zan dangah it-khawp loin ka um tam tuk zo, tuizan cu tuan te’n ka it.
Zianghman ruat loin ka itthat lohli ding ka ti. Zianghman ruah ka tum lo ngaingai.
Thla ka cam. Ka mit ka siing. Ka thuruah theunak ka cawl ter.
Ee, ka ih a va hmu lo ve? Ka thinlung a harh deuhdeuh si lo maw?

It that dingah ka bei sal. Nuam te te’n 1-2-3 siar le ihthah a awl an ti.
Ka lung fim deuhdeuh sawn. Ka thinlug cu a vang pempem riangri.
Damlonak ka nei si pei maw; Ziangah itthat thei lo in ka um,
Thaw hluunhlo ih ka ihthah zan pawl kha ka mang sal.


Kehlam ah sir ka her, vawrhlam ah ka her sal, zaa-pa-thal khalin ka it ko.
Ka nu in nang cu “lukham le na lu daiawk vete’n na it that theu” in ti nan.
Zan dang ahcun ka ruah tummi hrekkhat ka ruah man hlan ah ka rak it that theu.

Ziangah tuizan cu, zaan thinlung a nung! Ka rualpitha, laicin damlo an um si pei maw?
Tuisun ah teh coffee ka rak in pang asi pei maw? Ka cal ka dawm. Dimte’n ka mit ka sing sal.
Mi ka phone ding tile zan a rak tlai tuk zo fawn.  Zualko ah in ruat pan ding.

It that dingah ka try sal ding. Ka ih thah theilo thotho asile, ziang ka tuah nawn ding?
Ihthah hlenhli cu ka duh ko. Nazi 7 sung ka itthah lole ka thinsia lala ding. Rawi ei ka-thaw lo bet.
It that silo itthat vek ih um a har. ‘One night in jail’ ka si ko.

Ka ihthah tum len ka taalbuai sinsin. Ka el tla a naa lamlam.
Vang zawng talah cun ka mol thei ko ding. Nuam hlenhli ihthah thei cu malsawm a rak si.
Cancer, HIV, lusun le thinkuai it that theilo hi ziangtluk a har ding.
Zan khat itthat theilo kum khat tlukih sawltal zan.