A tawizawng cun, Islam neitu vek tlukin kan biaknak ih pumpe awtu sungkua kan si. Kan minopawl hnenah khalah Islam biaknak zirhtu ka si.
Kan sungkua hrang ahcun Islam biaknak hi kan nunnak hrampi tlukih kan ruahmi, thihpi khal kan ngam mi kan zumnak rori a si. Christian ah cang bang sehla ka parah ziangvek tuksumza a thleng ding ti tla ka thei. Kan biaknak phansan ih biaknak dang ih luh timi cu thihnak tlukih kan ruahmi a si.
Asinan, Jesui duhdawtnak ka thei ih kumkhua rundamnak ka co ngah. Ka nulepa, rualpipawl ih duhlo bik mi Christian ah ka cang ta! Ka duhthlan ruang khalah siloin Pathian hi zumtlak bik ti ka theih ruangah, zum lo theihlo in Pathian duhdawtnak le a dikzia cu ka nunnak ah a thleng ih ka cohlang.
Theih cia bangin ziangtluk harsatnak ka tuar. Zuunngai le lusun bangin ka um. Ka nauhak ihsin I cawmnungtu ka nulepa rori phatsan ah ka cang. Ka nulepa ih mithmai ka zoh theilo. Ka pa hi mihratkhawkheng an timi ralram khalih duai dah lo, miralṭha, U.S ih ralkap ṭuan, ralram ih khawsa ringring asi. A mithli tlak veikhat te hman ka hmu dah lo. Asinan, tuiṭum ahcun ka pianthar ti ih ka sim le a mithli tlak a rual aw. Ka pa hi zoh harsa ka ti.
Ka pa cun Christian zumnak ka pom ti a theih veten, a ṭong suak hmaisabikmi cu “Ka fa, ka el-ruh kiak bangin ka um” a ti. Ka pa thawn kan Islam zumnak ah rinumzet ih kan din tlang lai ka mitthlam ah a cuang ih tuar harsa ka ti. Ka nu cu maw, himi ni ihsin a lungawi mithmai hmuh ding hrimhrim a um nawn lo. Cancer tuar le ngor vekin a um ringring ta.
Pathian hnenah hitin thla ka cam, “Bawipa ziangah ka pianthar veten le ka nulepa ka sim karlak ahkhan in thi ter men lo, hivek harsatnak tuar ka tlinlo” ka ti. Asinan, ka thinlung ih ra lang hmaisabik mi cu ‘Ka nunnak hi keimai ta asi lo Pathian ta a si. Pathian in tumtah a nei.
* Nabeel Qureshi ih Jesuh a cohlang dan, Youtube ih a relmi a tawizawng ih lehlin mi a si.
Comments
Post a Comment