Leitlun Bawmtu

Zanthing hnah a tlak tikah zo si kan mawhthluk thei ding? Thli in a hran tlak asilo hman ah a thingkung sawn in arak kaitang thei nawnlo; a va silo hmanah a thinghnah sawn in a kaitang thei nawnlo ih a tla sawn a rak si thei.  Zobik kan puhmawh thei ding? Kan vantlang ah harsatnak le beidawnnak thlipi huk a tlen ve pang khalle “Nangmai mawh”asilole “An mawimawh” tiaw lo hram uh si. Thlipi hran caan a um hrimhrim. A beunak ding a thupi sawn. Demawknak le relsiatawknak kan vantlang le rorelnak zatlang pawl ah thang lo hram sehla ziangtluk kan vahvaihnak leitlun te hi a nuam ding!. Kan cennak leitlun thianfai dingah vancung mipawl an rung tum lo ding. Kan umnak sehvel pawl cu kanmah lala ih thianfai ding a si ruangah zocio khalin kan vantlang ih boruak zilthli thiang te kan dawn theinak dingah mawhphurhnak kan nei cio a si. Kan biaknak lam ah thlarau ro cuahco ih kan theiawk tikah a hruaitu pawl lawng mawhthluk theih an si hrimhrim lo member pawl khalin tlaksamnak tamp...

Rev. Peter Van Hnuai Sum hi Laimi ih kan thlarau pa pakhat a si ih thusim thiam zet a si tiah an rel ka rak thei theu. Asinan hmaiton in ka hmuh dah lo. New Delhi ih Gospel Baptist Church pawlin zarhhnih lenglo thusim dingah an sawm ih cunah khalah bulpak remcanlonak ruangah ka khawm theilo. Tuisun cu ka umnak Delhi Burmese Christian Fellowship ah amah sawn thusim ding ah a ra ruairi. A rualpipawl le a fanu Mai Mawite pawlin an rak thlun. Saam 23 “Bawipa cu ka tukhal a si” timi thulu hmang in thuthangtha simnak a ra nei. Expository Sermon a hmang ih a sangsang te’n Baibal bungcang a simfiang ih ka lunglut zet. New Delhi ih Laimi pawl hrang hrimhrim ahcun Bawipa hi kan tukhal tha a si ngaingai ding a thupi tuk tiah ka pom rem bet. Thuthangtha a sim phah in a mithli a tla ih “Laimi pawl hnen ih thuthangtha ka sim tinte’n ka mithli a tla, Laimi ka duhdawt, Laimi hrang ka thlacamnak kum 30 a kim zo” tiin hnuk-ulh zetin thuthangtha a sim ka hmuh sinsin tikah ka diriam z...