IPhone 5 ka lei tir ahcun ahman dan ka thiamta ding ti’n ka thamkual
ciamco. A ṭhatzia ka theih sinsin tikah, zawngih theidum kil tibangin,
ka tham leuhleuh. Internet-phone, iPhone asivekin internet a connect ṭha
ih a cakzet fawn. Samsung galaxy hnakin a let rorin ka duh sawn.
Ahleice in, facebook hi loading ṭul riai loin tizualzo in a ong thei
tikah minit 5 dan hrawngah ka iPhone ka bih rero a si bik mai. Lamzin
feh phah khalin ka bih ih, tluk phah zik caan khal a tam.
Zingpit ka mit meng thei ceu cun ka lukham hnuaita iPhone ka zuuk
zuarzo. Thupi fahran um ding bang cun facebook ka zoh hmaisabik ṭheu. Ka
canganmi zopawlin an like, zo pawlin an comment ti theih duh ah caan
hman ten ka bih. A battery full ko ka thun hnu ah tla hi cun, ka leitlun
no khat a kim ṭheu. Ka fehnak kip ah ka keng. Ka daileng caan le rawl
ei nak hmun tiang a thleng ve ko. Zaphak hman tiat lo phone sungah
leitlun pi hrekkhat ka keng vek khin ka ruat. Zing khat cu keimah lo
vekin, ka iPhone ka ken hngilh. Sunvu ka um nuamlo. Kimlo vekin ka ruat
aw. Ka iPhone le ka taksa thinlung an pehawk thluh zo vekin ka ruat.
Cutin, nikhat te asinan ka iPhone 5 ngai in ka uai hnianghni.
Ka iPhone 5 ih thiltitheizia le i bawmzia ka thei. Iphone 5 na nei ve
ahcun na thei ve hrimhrim ding! A dik ko lo maw? Ka iPhone 5 zaphak hman
tiat lo mi sung ahhin cabu ṭhaṭha, thuthang phunkim, video a dangdang,
zuk a phunphun le ka rualpi zate biak pehtlang theinak a um. Cuihleiah,
ka theihlo mi thu hawl theinak engine khal a um thotho fawn. Phundang
zawngin kan sim asile, ka iphone te thawn leitlun hmun kip ka fangkual
ṭheu. Ka IPhone 5 cun ka umhar i pheen, phone mawibik pakhat asivekin,
mah le mah rinsanawknak le hmaihngalnak tiang i pek bet.
Na
fala maw na duh, na iphon 5 tiah in suh sehla, reipi ka ruah hnu ah a
pahnih in ka duh ka ti ko ding. Hivek thil sunglawi cu leitlun thar
tiang sawmso vivo tlak a si in ka thei. Ka duh luarkai tuk le i
ngaithiam aw. Ka sumpai khawlmi rori thawn ka lei mi te a si fawnih ka
hrang a hlutzia simfiang a har a si.
Asinan, asinan…
Ka theihlo sungah ka iPhone 5 kut hnuai ah ka rak um ti ka thei lo. Ka
theihlo sungah ṭuullo pi’n ka caan tampi phone bihnak ah ka rak hmang
liam ti ka thei. Reipi hnu lawngah ka caan amahte ka liam ter reri ti ka
fiang lai. Nitin, ka phone thawn kan thluahawk vekin Pathian thu thawn
thluahaw thei ningla mihualvanṭha ka va si ding ve!
Ka iPhone 5 ka duh le ka fehnak hmun kip ih ka ken bangin Pathian thu Bible ngainaa sehla, mithlawsuah ka va si ding ve!
Pathian hnakin ka Iphone 5 ka duh sawn pang maw tiih ka khaikhin tikah
kei ka daithlang Bawipa. Ka iphone 5 ka tok zat in Bible siar bang
sehla, veithum cu ka siar suak bet sal ko ding. Iphone 5 le Pathian tla
khaikhin awk ding mawi a rak si lo.
- Ellen Nei, DLian Hualngo, Ch Van Rem Mawi and 34 others like this.
Chinfa Hniang zia deuh lai veinga siar bet thei ding lawngah na thei ih veinga hrawng bet thei ding bang ah si awla cun ziang na bang ke maw kkkkkkkkk
- Thipcang Mercy Hehhehe aih aih kawk lo ee...... Keimh khal si tho2... Thil umdan ka rel mi si.... Heeeee
Lairamhrang Mitthli Kim Ka samsungphone ka duh vek thotho a si cu.!
Na iphone le pathian tla taht'him tete. Na nganthiam tak bet lai. Ukte hrimhrim
Far Nei Tlem si ro ri thiam tek hi mi bik ah si k tlak siat bik theu z tin k tuah le tha pei tin khua k ruat theu
Salai Lian Tha nasa,,,"a singai ka ti.".
Rual,,na ngantha nasa...
Keitla nangmah vek ka si.
Ka ipaid hi sunzan bak ka hmalve..
Hitluk in bible rakkau in raksiar sehla,ka thlarau hrangah ziangtluk thazang ka ngah ding,ti ka ruattheu........See More
Caleb L Ci Luai Thazang thar ngah rori. Nun in simtu pakhat a si e. . Thengre ai cingcing, ngai le siar a nuam e. . . .
Sui Dim Na hman tuk , I phone rel lo ph menmen nei hman ah hitluk ka si ve ko FB ah sal kan tang theh si ko lo sawm rual le uh
Michael Van tufang hi latest phone Nokia RM80 man ka hmang ih iPhone i sunlawizia ka thei ban ve lo..asinan siar a nuam zet.
Siangbah Tingtang Nokia.thengtheng ti ih ring zutzo mi khi tha bik ko e.lut.suak.caan te lawng ah.zoh le.tham si ih......ka nei ih si..ka si ve ko dg...siar nuam nasa..
Mai Sokhlei Par ka duh tuk lawmmam! khavek phone ka nei lo khal hi ka lungawi hmuah a awi phah thluh. ahleicein "Nitin, ka phone thawn kan thluahawk vekin Pathian thu thawn thluahaw thei ningla mihualvanṭha ka va si ding ve!" ti mi hin thazang i pe in i diriamter nasa. tlaksamnak in Bawipa i naihter sinsin mi hi thil dang hmuahhmuah hnakin a sunglawisawn, a rak sunglawi miangmobik.. !!
John Kim Khiangte Thazang ka ngah nasa...Biakinn ih khawm ding rori hman Bible keng lo'n ka um theu.
Fapa Fimte iPhone hi ka hmang ve tum thlang. Ka Nokia pi ka ning! Cun, Bible thu ahcun Timothy Sui Lian Mang ih lehlin mi Bible kha ka hmang ve thlang ding.
Comments
Post a Comment