Parte le Keimah Zan

Parte cun ka kut i kai fengfengih fiang tuk fahran in i zoh.
Ziangah khatin i zoh?…. “Ka lo zoh khawp theilo”in ti.
Kan t’awng thaw laifangah napin i pom dukdi.
Ka t’awng lo le “t’awngaw” in ti…Ka t’awng asile, “Tawng hlah” in ti.
“Daiten i pawm men aw” i ti lala. Kan tlun thlapa a eng mawi ko.

Kan pahnih te’n thulolam tete kan ruah aw.
A kiang ka um ahcun dai lo in ka um thei velo.
“Na kiangah um ringring ka duh” in tive t’heu.
Tui zan cu Parte in ‘Reipi ka lo pawm duh’in ti.
“Zan dangah in hnam hmai t’heu’ tuizan cu keimah caan” in ti.

Parte cun “Reipin i hnam aw” in ti.
Thiam le thiamlo in ka hnam. I pawm ih i thlah siang nawnlo.
Minit 10 hrawng kam khat te khal kan be aw lo.
Hnget sinsin in i pom. I duhtuknak a thin phuu dekdo tla ka thei.
A sam rim le a perfume rim hmuite cun Parte a tuam.

“Ziangtikah kan um tlang ding?”
Kam khat hman ka sawn lo…..
A mit cu a siing ringring lai.
Napin ka pawm ve….a rim a hmui ko.
Ka t’aang ah a bet.


Zawhte in a kheng sungsa a ham bangin kan ham aw.
Dimte’n “Ka lo ngai ringring” in ti….
“Ziangah hitluk ka lo ruat?” a ti bet.
A kut, ka kai….ka aw suak fangfang te’n “Kalo ngai ve si” ka ti.
Ka kut zung i tham sak phahphah.

“Parte i duh hnakin ka lo duhsawn so khaw” ka ti.
A lungkim…a lu a su. Kan pahnih te’n napin kan thaw, kan suah.
Kan zohaw ih kan hni ciam bet. “Hni hlah, mi in in thei ding” ti’n ka angki a dir.
“Ka biangah in hnam aw” in ti. Ka hnam. “Ka hmur ah tla” in ti, ka hnam sal.
“Thu ka lo sut thlang ding…In duh ngaingai maw”?
“Aw na thei ko cuh”…. “In duh le duh, duhlo le duh lo”
“Ka lo duh ngaingai so khaw”. “Asile tucu, keimah in ka lo hnam thlang ding”.
A hmur sente…a rim te…um um.

“Parte nazi zoh aw, a sim tuk thlang ka tin thlang ding”.
“Um hrihaw, ka lo sianglo”…Parte cu ka duh ngaingai.
“Feh hrih hlahaw”…i kai tang. “Malten, kan pawm aw bet ding”.
“Mangtha maw” tin lamzin ka kel tiang i thlir.

Mizan nazi 12 tiang Parte thawn kan um tlang.
Zing thawh ka thei nawn lo….zinglam nazi 8 a kim zo.

Tit tit…ringring….ka mobile phone “text message” a si cu!

Message box ahcun………………..

“Cungte himi message na siar rero lai ah kei cu hmun hlapi ah hnatuan dingin ka thleng zo ti rak thei aw, mizan ahkhan ka thinlung zate’n ka lo pom ka lo hnam zo. Na kiangah ka um rei nagmlo…nangmah lo in le ka um thei fawnlo….ka lo duh tuk ruangah a si. Ka phone ka hmang nawn lo ding. Kumkhua in ka lo duh ding. Ka lo hmuhsal ding ni ka sim thei lo.”