Hunruattu/caan petu cun mithmai zohin caan a pe theu. Hlasak talent dawnglo, thusimthiam lo pawlin thu an sim tikah member pawl khawm tiang an paihlo thluh, Thusimtu a thiam lo tiih inn ih um an hrilsawn.
Sermon thupi a tuah in kan tuah theu. Pathian ih in pekmi manna, kan nun ih a tawnmi kan sim lo ruangah hmuar a nei dah fawn lo.
Pathian thuthangtha simtupawl kan thlacam a mal tuk lai. Sermon pakhat ah thla veiziat kan cam? Kan thlacam a mal tuk ruangah thuthangtha in hmuar a nei thei lo.
Thuthangtha simtu in kan thusim mi nunpiloin pulpit kan suahsan hnu ah kan thusimmi kan hngilh verver. Mipi hrang lawngah kan sim theu. A hnu zarkhat ah ‘tulai cu ka thlarau a cau’ kan ti sal.
Member zumtu pawl lala in thuthuthangtha sim pawl relsiat kan hmang. Relsiatawknak a tam tikah innsang ihsin kawhhrang sungah nget nasazet a rak lut thup ih kawhhran pawlkomnak a nuam thei lo.
Thuthangtha phuangpawl kan thinlung athiang lo tuk theu. Leitlun thilah kan buai ih kan thinlung a neh tuk hrih lai.
Biakinn sung ih cangvaihnak hnakin biakinn leng ah ‘tuah, tuannak in’ langsehla cu kawhhrang sungah nasazetin hmasawnnak a um ding.
Rorel lawng duh a tuan ih tuan paih nawnlo kawhhran hruaitu pawl khalin nasazetin kawhhran nuamnak an tisiat thotho.
Mino hruaitu, nubu, Sunday school le bupi karlah pehtlaihawknak a thatlo tikah buainak a suak theu ih setan cun caan tha a la lohli theu.
Thuthangtha simtu in thianhlimnak le peknak lam a sim dahlo ahcun kawhhran thansohnak a mal.
Comments
Post a Comment