Bible Vei Ziat Na Siar?

Thuthangtha

Feb 16, 2010

Lei tlun cabu thabik timen hman silo, Pathian tongkam thawkkhum, 'ziangkim hloral hmansehla a hlo ral dahlo dingmi Pathian thu Bible' hi mino ka sinak vekin ka siar paih lo ve emem. Bible siar cu thil tha a si ti khal ka thei, ka thinlung takih ka siar theilo caan hmanah hlawknak malte cu ka nei ringring ti khal theiaw cingcun ka siar paihlo thotho. Asinan, tui kum khal zingtin Bible siar le thlacamnak nei ding cun tumtahnak ka nei. Ka tumtahnak rak thei thuptu pa cun nitin ka thinlung le ka taksa a sualaw ter ringring.

Thuthangtha simtu pakhat in "mi cu an kum zat in Bible an siar suak, an siar tuk nakah an Bible a siat theh" timi thupawl a simi ka ngai ngah ngelcel.
Ka ningzak lawlaw. Ka siarlo daan ka theiaw bik ding. Ruahlopin ka rualpa "Bible vei ziat, na siar suak ka ti?" ka rualpa khal ka hnakin a rak danglam lemlo."Ai, veikhat hman ka siarsuak hrihlo nan, ka siar sunmi cu fel takin thaten ka siar ve thung" a ti. Asi, siar suak a thupibik lo. A nun ih nunpi a thupi sawn ding nan kan siar mal ahcun nunpi ding khal a mal ding.

Pathian duhdawtnak ruangih a nung kei hin ziangah Bible ka ngainaa theilo, ziangah thlacam ka paihlo tuk theu timi khal ka ruat nasa. Bible siarnak le thlacamnak in ni khat ah nazi paziat sung caan ka hmang ve timipawl ka ruah tikah Pathian hrang ahcun ka caan then thumih thenhrek hman ka pekawk lo zia ka thei. Minopawl in Bible veiziat kan siar suak ding timi hi ka thei duh nasa. Bible kan siar theilonak san pakhat khal cu thiktu kan neih ruangah a si ding ka zum.

16 Febuary 2010
Thuthangtha